Prezidenckija vybary ŭ Polščy 10 maja nie adbuducca. Pra takoje rašeńnie kančatkova paviedamili ŭ sieradu lidar kirujučaj u Polščy partyi «Prava i spraviadlivaść» Jarasłaŭ Kačyński, a taksama jaho partnior pa kaalicyi, lidar palityčnaha abjadnańnia «Zhoda» («Porozumienie») Jarasłaŭ Hovin.

«Śpikier Siejma abvieścić ab novych prezidenckich vybarach u pieršy mahčymy termin», — paznačana ŭ tekście zajavy, raspaŭsiudžanaj Polskim ahienctvam druku.

Pa słovach jaho aŭtaraŭ, heta rašeńnie było pryniata «ŭ suviazi z admovaj apazicyi pryniać usie kanstruktyŭnyja prapanovy, jakija dajuć mahčymaść pravieści vybary prezidenta ŭ hetym hodzie va ŭstanoŭlenyja ŭ kanstytucyi terminy».

«Pieršy tur mieŭsia prajści ŭ niadzielu, 10 maja. Ale z-za raspaŭsiudu karanavirusa vybarčaja kampanija amal dva miesiacy faktyčna zamarožanaja. Mnohija palityki i, pavodle apytańniaŭ, bolš za 70% žycharoŭ Polščy ŭ takich umovach ličyli nieabchodnym pieranieści volevyjaŭleńnie na bolš poźni termin. Ministerstva achovy zdaroŭja respubliki rekamiendavała adkłaści hałasavańnie, u vypadku jaho praviadzieńnia ŭ kłasičnym farmacie z arhanizacyjaj vybarčych učastkaŭ, na dva hady, uličvajučy epidemiju.

Prapanoŭvałasia zładzić hałasavańnie praz poštu, ale Sienat adchiliŭ zakonaprajekt ab paštovym hałasavańni. Zaraz rašeńnie za Siejmam, jaki pavinien zaćvierdzić jaho absalutnaj bolšaściu hałasoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0