Palityk, byłaja deputatka Pałaty pradstaŭnikoŭ Hanna Kanapackaja vykazałasia adnosna kanfliktu miž rasijskim «Pieršym kanałam» i biełaruskimi ŭładami.

Rasijskija televizijniki padrychtavali materyjał pra situacyju z karanavirusam u Biełarusi, źjeździli ŭ Stoŭbcy, dzie pahavaryli ź niekatorymi ludźmi. Ahulny pasył rolika byŭ takim, što situacyja ŭ Biełarusi z chvarobaj užo nie kantralujecca. U viečarovym vypusku «Panaramy» na «Biełaruś-1» pracu rasijskich žurnalistaŭ nazvali «dnom i prapahandaj». U vyniku karespandencki punkt «Pieršaha kanała» pazbavili akredytacyi, a žurnalista Alaksieja Kručynina vysłali ź Biełarusi.

Čytajcie. BT: Siem fejkaŭ pra Biełaruś — heta dno, tavaryšy prapahandysty z «Pieršaha kanała»

«Zaŭsiody stajała i budu stajać za svabodu słova! Vykazvaju svaju padtrymki rasijskim žurnalistam- televizijnikam, jakija zaŭsiody prafiesijna robiać svaju pracu, nahadvaju, što ciapier u nas usio samaje cikavaje tolki pačynajecca», — piša Kanapackaja ŭ svaim telehram-kanale.

«U najbližejšyja dni pavinna być abjaŭlena data prezidenckich vybaraŭ. Adnak data hetaja, u siłu adsutnaści paćvierdžańnia lehitymnaści ŭ ciapierašniaha składu Pałaty pradstaŭnikoŭ, moža tak i zastacca prosta kalandarnaj dataj. Daloka ad nas nie adychodźcie, budzie šumna i infarmatyŭna!» — papiaredžvaje Kanapackaja.

U razmovie z «NN» Kanapackaja paćvierdziła, što zvarot sapraŭdy naležyć joj. «Heta najpierš padtrymka svabody słova», — skazała jana.

«Budučy deputatam, ja adzinaja vystupała za admienu akredytacyi ŭ pryncypie, unosiačy adpaviednyja papraŭki ŭ zakon. I mianie padtrymlivali i BAŽ, i mnohija žurnalisty», — adznačyła Kanapackaja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?