Dziaržava prymaje niedastatkovyja miery pa padtrymcy biznesu, u tym liku restarannaha — pierakanany viadomy restaratar Biełarusi Vadzim Prakopjeŭ. Paŭpłyvać na chamskuju rytoryku dziaržavy ŭ dačynieńni da pryvatnaha biznesu možna, tolki abjadnaŭšy namahańni, ličyć biznesmien. Pra svajo bačańnie prablem znutry jon raskazaŭ u videa. 

Jak paviedamlaje partał «Pra biznes», u kancy krasavika hetaha hoda była zarehistravanaja Asacyjacyja restarataraŭ Biełarusi. Siarod jaje zasnavalnikaŭ papularnyja ŭ Minsku ŭstanovy. Staršynioj Asacyjacyi abrany Vadzim Prakopjeŭ. Štodnia kolkaść udzielnikaŭ raście. Ale abjadnańnie restarataraŭ, pierakanany jaho kiraŭnik, pavinna stać masavym, uklučać tysiačy i tysiačy biznesaŭ — prydarožnyja kafe, bary, kandytarskija, piakarni, restarannyja sietki. Tolki tady vialikaja vierahodnaść, što hołas restarannaha biznesu budzie pačuty i nie sutykniecca z chamskim staŭleńniem z boku dziaržavy.

Jakich mier asacyjacyja patrabuje ŭžo ciapier? Uviadzieńnie panižalnych kaeficyjentaŭ na arendu pamiaškańniaŭ, abmiežavańnie rostu taryfaŭ na elektraenierhiju, maratoryj na pravierki i štrafy, źnižeńnie padatkaŭ. Asacyjacyja płanuje skłaści ŭłasny prajekt antykryzisnych mier, pakolki ŭkaz №143, padpisany Łukašenkam, na dumku restaratara, bolš słušna było b nazvać ukazam «ab paŭmierach padtrymki paciarpiełych halin». 

«Uładalniki biznesu i kiraŭniki, usie, chto trapiŭ siońnia ŭ biadu, kali vy nie chočacie razhladać u iluminatar, jak paŭpustyja šlupki pieršaha kłasa pakidajuć «Tytanik», kali vy zhodnyja z vyšejskazanym ci ŭ vas jość idei — rehistrujciesia ŭ našaj Asacyjacyi. My prymajem ŭsich», — źviarnuŭsia da kaleh Vadzim Prakopjeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0