Kab pastavić pobač ź Mikałajeŭskaj carkvoj u Kryčavie carkoŭnuju kramu, nastajaciel źnios častku Zamkavaj hary, jakaja maje histaryčnuju i kulturnuju kaštoŭnaść.
U vyniku jaho aštrafali na 25 bazavych vieličyń (675 rubloŭ) — za samavolnaje budaŭnictva.
Mikałajeŭskaja carkva ŭ Kryčavie staić na Zamkavaj hary. Fota mogeparhia.by.
U Kryčaŭskim rajvykankamie «Našaj Nivie» raskazali, što ź ijerejam Ihnatuškam razmovy vialisia nie raz.
«Jašče ŭ 2016 hodzie paviedamili baciušku, jak pravodzić raboty, jaki ałharytm. Kali ŭ nas prachodziła hazifikacyja dźviuch vulic na anałahičnaj hary, ja jamu na prykładzie pakazvaŭ, kolki treba pachadzić pa instancyjach, atrymać dazvoły», — uspaminaje hałoŭny śpiecyjalist adździeła architektury i budaŭnictva Kryčaŭskaha rajvykankama Alaksandr Zajcaŭ.
Zamčyšča, na jakim staić carkva, uzhadvajecca ŭ piśmovych krynicach z CHII stahodździa. Adsiul zaradžaŭsia horad. U 1980-ja, padčas raskopak, na zamčyščy byli znojdzieny ŭnikalnyja artefakty. Naprykład, załaty ŭhorski dukat — redkaja manieta.
Paśla — razvał Savieckaha Sajuza, było nie da archieałohii. Ciapier ža kulturny słoj parušany, źniesiena niekalki mietraŭ vała — praz budaŭnictva, jakoje samavolna raspačaŭ ijerej Ihnatuška.
«Jašče b ničoha, kab tam płanavałasia pastavić pamiaškańni, dzie b adpraŭlalisia abrady. Dyk nie — carkoŭnaja krama, kamiercyjny składnik! — aburajecca Alaksandr Zajcaŭ. — Takoje adčuvańnie, što jany chočuć minimizavać zakanadaŭčyja momanty, parušajučy ŭsio i ŭsia».
Ciapier budaŭničyja raboty pobač z carkvoj spynienyja.
