TASS
Mer Maskvy Siarhiej Sabianin padoŭžyŭ abmiežavańni z-za karanavirusa da 31 maja. Heta značyć, što maskvičam pa-raniejšamu buduć zabaronienyja prahułki i zaniatki sportam na śviežym pavietry. Pry hetym budzie adnoŭlena rabota pramysłovych i budaŭničych kampanij. Pradpryjemstvy śfiery pasłuh zastanucca zakrytymi, piša Radyjo Svaboda
Škoły taksama buduć zakrytyja. Acenki vučniam nievypusknych kłasaŭ buduć vystaŭleny nie paźniej za 15 maja. Dystancyjnaje navučańnie pry hetym praciahniecca da 31 maja, ale biez chatnich zadańniaŭ i acenak. Vypuskniki 9 i 11 kłasaŭ buduć praciahvać dystancyjnaje navučańnie. Pra terminy i farmat ekzamienaŭ budzie abvieščana dadatkova.
Raniej aformlenyja rabočyja propuski buduć aŭtamatyčna padoŭžany da 31 maja, havorycca ŭ zajavie Sabianina.
Siońnia ž Sabianin paviedamiŭ ab abaviazkovym našeńni masak i palčatak u hramadskich miescach i transparcie z 12 maja. U intervju telekanału «Rasija-24» mer zajaviŭ, što ŭzrovień zaražeńnia karanavirusnaj infiekcyjaj značna vyšej za aficyjnyja ličby. Pavodle jaho słoŭ, realna ŭ horadzie na COVID-19 chvarejuć zvyš za 300 tysiač čałaviek, a nie 92 tysiačy, jak havorycca ŭ aficyjnaj statystycy.
