Delfi.lt
Ministr aśviety, navuki i sportu Litvy Alhirdas Mankiavičus prapanavaŭ, kab školniki, što navučajucca dystancyjna, viarnulisia ŭ škoły chacia b na dva tydni dla zvyčajnaha navučańnia, piša Delfi.
Miarkujecca, što vučni pačatkovych kłasaŭ viernucca z 25 maja, a starejšyja dzieci z 1 červienia, aviedamiŭ ministr. Rašeńnie ab viartańni vučniaŭ u škoły pavinien pryniać ŭrad, hetaje pytańnie budzie razhledžana na nastupnym tydni.
Pa słovach ministra, kali ŭrad dazvolić vučniam viarnucca ŭ škoły, to budzie rekamiendavana zaviaršyć navučalny hod, jak i było zapłanavana, ale abaviazkova choć by dva tydni pravučycca niedystancyjna.
Litva, zdajecca, zdoleła źbić pandemiju karanavirusa. Za ŭvieś čas u krainie zafiksavana 1436 vypadkaŭ (527 na 1 młn, u Biełarusi 2134 na 1 młn), 49 čałaviek pamierli. Apošnija try dni fiksavali pa 11, 7, 8 novych vypadkaŭ karanavirusa.
