U Minsku niekalki hramadskich abjadnańniaŭ chacieli pravieści 9 maja akcyju «Bieśśmiarotny połk». Minharvykankam patłumačyŭ, što hetaha nie varta rabić praz epidsituacyju z COVID-19. Voś jaki adkaz pryjšoŭ arhanizataram. Piša TUT.BY.
«Bieśśmiarotny połk» u Minsku letaś. Fota Nadziei Bužan.
Mierapryjemstva, jak zajavili arhanizatary, na 5 tysiač čałaviek źbiralisia pravieści RHA «Za Sajuz i Kamunistyčnuju partyju Sajuza», Minski haradski kamitet patryjatyčnaha HA «Ajčyna» i Minskaja haradskaja arhanizacyja «Za demakratyju, sacyjalny prahres i spraviadlivaść».
«U metach prafiłaktyki i minimizacyi raspaŭsiudžvańnia vostrych reśpiratornych infiekcyj, u tym liku vyklikanych COVID-19», Minharvykankam u svaim liście rekamienduje ŭstrymacca ad masavaha mierapryjemstva.
Pry hetym haradskija ŭłady spasyłajucca na ŭłasnaje rašeńnie ad 7 krasavika №1069, u jakim prapisanyja miery pa prafiłaktycy zachvorvańnia.
«Źviartajem Vašu ŭvahu, što praviadzieńnie mierapryjemstvaŭ akcyi «Bieśśmiarotny połk» u Rasijskaj Fiederacyi ŭ biahučym hodzie projdzie ŭ farmacie anłajn, u tym liku ŭ režymie «sacyjalnaha dystancyjavańnia» i «samaizalacyi» pad ahulnym devizam «Biaśśmiarotny połk doma», — paznačana ŭ adkazie Minharvykankama. Padobnym čynam rekamiendujuć zrabić i ŭ Minsku.
Ułady nahadvajuć: za niesankcyjanavanaje mierapryjemstva mohuć pryciahnuć da adkaznaści.