Alaksandr Aranovič i Uładzimir Niaronski
U roznych haradach Biełarusi prachodziać sudy nad udzielnikami akcyj u padtrymku błohiera Siarhieja Cichanoŭskaha, nad udzielnikami jaho sustreč i nieabyjakavymi hramadzianami, jakija vychodzili ŭ svaich haradach «karmić hałuboŭ», paviedamlaje spring96.org.
Tak, u Lidzie fielčar chutkaj dapamohi Pavieł Palejčyk atrymaŭ 7 sutak aryštu, taksama na 7 sutak aryštavany Andrej Palakovič.
Sudziać taksama Aleha Kraŭcova, Maksima Pałonskaha, Paŭła Ancipkina (baćku 4 dziaciej).
U Homieli 7 maja sud Centralnaha rajona prysudziŭ štraf (135 rubloŭ) palityčnamu aktyvistu Valeru Repninu i 15 sutak administratyŭnaha aryštu Alaksieju Sałamašanku ź vioski Rudnia Marymonava. Aktyvistaŭ abvinavacili ŭ parušeńni artykuła 23.34 KaAp RB «Udzieł u niezakonnym masavym mierapryjemstvie» — akcyi «karmleńnie hałuboŭ» la nulavoha kiłamietra ŭ centry Homiela 3 maja.
U Mahilovie za arhanizacyju niesankcyjanavanaha mitynhu «z publičnym abmierkavańniem ułady» 5 maja sudzili błohiera Uładzimira Niaronskaha, a taksama Arcioma Sakava i Alaksandra Aranoviča, jakich abvinavacili va ŭdziele ŭ hetym niesankcyjanavanym mitynhu. Usie troje vinu nie pryznajuć.
«Ja błohier, heta narmalna — sustrakacca ź ludźmi. U nas svaboda słova pa Kanstytucyi», — skazaŭ u sudzie Niaronski.
Ich zatrymali 6 maja ŭ pasiołku Družny. Ab advakacie chadajničaŭ tolki Sakaŭ — sudździa dała jamu na pošuki i zaklučeńnie dahavora paŭhadziny.
U vyniku Sakavu i dali najmieniej — 5 sutak. Aranovič atrymaŭ 6 sutak, Niaronski — 10 sutak.
