U Hłybokim 8 maja milicyjanty zatrymali žurnalista-fryłansiera Źmitra Łupača, jaki supracoŭničaje z telekanałam «Biełsat», piša BAŽ.
Da Źmitra ŭ ofis pryjšoŭ major milicyi Siarhiej Cyrban, jaki na jaho zvyčajna składaje pratakoły pa častcy 2 artykuła 22.9 KaAP. Razam ź im pryjšli jašče dva milicyjanty ŭ cyvilnym.
Paźniej stała viadoma, što Źmitra Łupača buduć sudzić 11 maja, u paniadziełak, u Hłybockim rajonnym sudzie a 10. Da suda žurnalist budzie znachodzicca ŭ pastarunku.
Kalehi zmahli daviedacca, što na Źmitra składzieny pratakoł za ŭdzieł u niesankcyjanavanaj akcyi — sustrečy z błohieram Siarhiejem Cichanoŭskim.
U Mahilovie taksama zatrymany žurnalist-fryłansier Michaił Aršynski.
