Siońnia ministr achovy zdaroŭja Uładzimir Karanik, hałoŭny doktar Respublikanskaha kliničnaha miedycynskaha centra Iryna Abielskaja, pradstaŭniki sistemy achovy zdaroŭja Minskaj vobłaści i Biełaruskaha prafsajuza rabotnikaŭ achovy zdaroŭja ŭšanavali pamiać zahinułych u Vialikaj Ajčynnaj vajnie na brackaj mahile ŭ vioscy Padhorje Minskaha rajona. 

Hetaja mahiła — miesca pachavańnia bolš za 200 čałaviek: miedycynskich rabotnikaŭ sanitarnaha bataljona, čyrvonaarmiejcaŭ, žonak i dziaciej kamandnaha składu i nieviadomych voinaŭ 64-j strałkovaj dyvizii, jakija zahinuli ŭ červieni 1941 hoda.

Pa słovach ministra, sistema achovy zdaroŭja nikoli nie davała zboj, zaŭsiody adpaviadała asablivym patrabavańniam. «Za minułyja hady ničoha nie pamianiałasia: my smutkujem pa tych, chto zahinuŭ tady, u hady VAV, i ciapier — padčas uzdymu zachvorvańnia. Miedyki zaŭsiody byli na piarednim froncie baraćby, na pieradavoj. U pieršuju čarhu našy kalehi dumajuć, jak dapamahčy, časta zabyvajučy pra siabie. I pakul takija ludzi ŭ našaj sistemie achovy zdaroŭja jość, my zmožam ruchacca dalej», — adznačyŭ ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0