Zachvorvańnie na COVID-19 źnižajecca ŭ niekatorych rajonach Minskaj i Viciebskaj abłaściej, paviedamiŭ žurnalistam ministr achovy zdaroŭja Uładzimir Karanik, pieradaje BiełTA.
Ustojlivaje źnižeńnie na praciahu niekalkich tydniaŭ nazirajecca ŭ Viciebskim rehijonie. Zaraz tam pravodzicca zaklučnaja dezynfiekcyja tych balnic, jakija raniej byli pieraprafiliravanyja dla akazańnia mieddapamohi pacyjentam z karanavirusam, pastupova jany viernucca da zvykłaha režymu pracy. Heta tyčycca chirurhičnaha korpusa Viciebskaha abłasnoha kliničnaha ankałahičnaha dyspansera. Da profilnaha pryjomu pacyjentaŭ buduć rychtavać i nieŭrałahičny korpus abłasnoj balnicy.
«Situacyja ŭ Viciebsku dazvalaje vyvodzić łožkavy fond z hetaj pracy, naładzić bolš spakojnaje pieraraźmierkavańnie pacyjentaŭ. My ličym, što situacyja ŭ Viciebskim rehijonie narmalizujecca», — adznačyŭ ministr. Anałahičnaja situacyja składvajecca i ŭ niekatorych rajonach Minskaj vobłaści.
