Sud Centralnaha rajonu Homla asudziŭ Juryja Ŭłasava na 15 sutak za ŭdzieł u akcyi ŭ padtrymku aryštavanaha błohiera Siarhieja Cichanoŭskaha. Ułasava zatrymali 7 traŭnia razam jašče z 19 udzielnikami akcyi. Usich, aproč Ułasava, pad noč adpuścili. Ułasava zavieźli ŭ izalatar.

Jak paviedamiŭ «Svabodzie» homielski aktyvist Alaksiej Jelisiejeŭ, sud prajšoŭ litaralna za niekalki chvilin, pryčym pačaŭsia ŭ abiedny pierapynak, tamu achvotnyja nie zmahli trapić na pasiedžańnie.

7 traŭnia ŭ Homli na płoščy Lenina prajšła akcyja padtrymki błohiera Siarhieja Cichanoŭskaha. Sabrałasia kala 40 čałaviek. Ludzi skandavali «Stop tarakan! No pasaran!». «Stop tarakan» — słohan onłajn-supolnaści «Strana dla žiźni», jakuju arhanizavaŭ Siarhiej Cichanoŭski.

Praz 35 chvilin paśla pačatku akcyi ŭdzielnikaŭ pačali zatrymlivać amapaŭcy. Zatrymali 20 čałaviek. Na niekatorych skłali pratakoły pa artykule 23.34 KaAP (parušeńnie paradku praviadzieńnia masavaha mierapryjemstva).

Siarhieja Cichanoŭskaha zatrymali pad Mahilovam 6 traŭnia, paźniej pieravieźli ŭ homielski izalatar časovaha ŭtrymańnia. Potym na kanale «Strana dla žiźni» źjaviŭsia jahony zvarot pra toje, što jon maje namier stać kandydatam u prezydenty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?