Kiraŭnik fryk-teatra «Hieksahien» režysior Vasil Kałač byŭ zatrymany 8 maja kala svajho doma na vulicy Biełyja Rosy ŭ Hrodnie. Pryčyna — udzieł u sustrečy 26 krasavika, jakuju arhanizavaŭ u parku Žylibiera aŭtar błoha «Strana dla žiźni» Siarhiej Cichanoŭski, piša Hrodna.life.
Žonka režysiora Taćciana Kałač paviedamiła ŭ redakcyju Hrodna.life ab mahčymym zatrymańni jašče ranicaj. Inšych zdahadak, što mahło zdarycca z Vasilom, u jaje nie było.
«Vasia z ranicy pajšoŭ na pracu prykładna ŭ 8.00. Jon pavinien byŭ dapamahčy bratu na rynku i nie dajšoŭ. Mašyna staić pryparkavanaja, telefon jaho nie adkazvaje, vyklučany. Sprabavała telefanavać u milicyju — ničoha nie kažuć».
Vierahodna, jaho zatrymali z-za jaho ŭdziełu ŭ strymie «Strana dla žiźni».
Vasila Kałača zabrali ŭ RAUS Leninskaha rajona na padstavie artykuła 23.34 Kodeksa ab administracyjnych pravaparušeńniach («Parušeńnie paradku arhanizacyi abo praviadzieńnia masavych mierapryjemstvaŭ»). Praź niekalki hadzin jaho asudzili na 5 sutak aryštu.
Viadoma i pra inšyja zatrymańni ŭdzielnikaŭ sustrečy ŭ Hrodnie.
Uviečary 7 maja milicyja zabrała z kvatery hramadskaha aktyvista Alaksandra Łaŭrenćjeva, piša «Haradzienskaja viasna». Jaho zasudzili da 7 sutak administracyjnaha aryštu. Paviedamić, dzie i kali jaho buduć sudzić, Łaŭrenćjevu nie dali mahčymaści.
Alaksandra Łaŭrenćjeva sudzili pa ŭsioj vierahodnaści taksama za ŭdzieł u sustrečy z błohieram Cichanoŭskim.
