U amierykanskim horadzie Pasadena (Kalifornija) miascovaja žycharka pryjšła na viečarynku na dzień naradžeńnia siabra biez maski. Jana kašlała ŭ prysutnaści haściej i žartavała, što ŭ jaje karanavirus. Nieŭzabavie paśla hetaha žančyna zdała testy na COVID-19. Akazałasia, što jana sapraŭdy zaražanaja. Pra heta paviedamlaje Mirror.

Pa infarmacyi vydańnia, jana zaraziła jašče piaciarych haściej viečarynki. Jašče šaściora mohuć być zaražanyja, simptomaŭ virusa ŭ ich pakul niama.

Na sajcie haradskoha kiravańnia adznačajecca, što arhanizatar i hości viečaryny parušyli zahad «Biaśpiečniej doma». Jany nie nasili miedycynskich masak i nie vykonvali biaśpiečnuju dystancyju.

U ZŠA karanavirusam zarazilisia 1 młn 367 tysiač čałaviek, u Kalifornii amal 68 tysiač, bolš zaražeńniaŭ tolki ŭ Ńju-Jorku (345 tysiač), Ńju-Džersi (140 tysiač) Masačusetsie i Ilinojsie (pa 77 tysiač).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?