10 sutak aryštu i 45 bazavych (1215 rubloŭ) štrafu prysudziŭ sudździa Hłybockaha rajonnaha suda Dźmitryj Tarasievič žurnalistu z Hłybokaha Źmitru Łupaču. Jaho sudzili 11 maja pavodle dvuch artykułaŭ — «Niezakonny vyrab i raspaŭsiud pradukcyi ŚMI» i «Parušeńnie paradku arhanizacyi albo praviadzieńnia masavych mierapryjemstvaŭ», paviedamlaje BAŽ.

Paśla skančeńnia sudovaha słuchańnia Źmitra Łupača kala budynka suda čakali milicyjanty na mašynie. U ich na rukach užo była zavieranaja pastanova suda, choć sam Źmicier jaje pakul tak i nie atrymaŭ.

Žurnalistu stała drenna ŭ budynku suda, žonka pamierała jamu cisk — jon byŭ vysoki, tady jana vyklikała chutkuju. Fielčar chutkaj dapamohi paćvierdziła, što ŭ Źmitra hipiertaničny kryz. Žurnalista advieźli ŭ Hłybockuju rajonnuju balnicu. Karetu chutkaj dapamohi supravadžaŭ milicejski aŭtamabil.

Pavodle słoŭ žonki Źmitra Łupača, paśla prybyćcia ŭ lakarniu jaho pakłali ŭ reanimacyju.

Клас
Панылы сорам
Ха-ха
Ого
Сумна
Абуральна