Amierykanskija ŭłady prymuć rašeńnie ab vykarystańni dastaŭlenych Rasijaj aparataŭ štučnaj vientylacyi lohkich (ŠVŁ) «Avienta-M» Uralskaha pryborabudaŭničaha zavoda paśla vyśviatleńnia pryčyn pažaru ŭ Sankt-Pieciarburhu. Pra heta paviedamiŭ tass.ru aficyjny pradstaŭnik Fiederalnaha ahienctva ZŠA pa nadzvyčajnych situacyjach (FEMA).
Pavodle jaho słoŭ, rasijskija aparaty ŠVŁ jašče nie vykarystoŭvalisia ŭ amierykanskich balnicach, pakolki situacyja z karanavirusam u ZŠA za hety čas palepšyłasia, i jany pakul nie spatrebilisia.
«U jakaści mier zaściarohi ŭłady štataŭ viartajuć aparaty ŠVŁ FEMA. Vysnovy rasśledavańnia, jakoje viadziecca rasijskimi ŭładami z nahody pažaru ŭ Sankt-Pieciarburhu, dapamohuć nam pryniać rašeńnie adnosna luboha dalejšaha vykarystańnia hetych aparataŭ ŠVŁ», — dadaŭ jon.
Ułady štataŭ Ńju-Jork i Ńju-Džersi ahułam atrymali 45 aparataŭ ŠVŁ z Rasii i ciapier viartajuć ich fiederalnym uładam.
