Ułady KNR častkova abmiežavali čyhunačnyja znosiny z horadam Cziliń (znachodzicca ŭ adnajmiennaj pravincyi na paŭnočnym uschodzie Kitaja) paśla zafiksavanych tam niekalkich vypadkaŭ infikavańnia karanavirusam novaha typu. Pra heta ŭ sieradu paviedamiła Centralnaje telebačańnie Kitaja.
Čyhunačny vakzał horada z 06:00 sierady admianiŭ rejsy i pasadku pasažyraŭ na ciahniki. Terminy dziejańnia hetych mier nie paviedamlajucca.
Za minułyja sutki ŭłady krainy zafiksavali siem novych vypadkaŭ infikavańnia karanavirusam: siarod ich adzin impartavany z-za miažy (Šanchaj) i šeść miascovych vypadkaŭ, jakija vyjaŭleny ŭ horadzie Cziliń. Taksama ŭ horadzie vyjaŭleny adzin čałaviek z padazreńniem na karanavirus i adzin bieśsimptomny infikavany.
Usie šeść chvorych raniej kantaktavali z chvorymi z horada Šułań — tam z 8 pa 12 maja taksama adbyłasia łakalnaja ŭspyška: da ciapierašniaha času vyjaŭlena ŭ ahulnaj składanaści 22 chvoryja.
