Biełaruś abrała ačahovy mietad baraćby z karanavirusam, i jon siabie apraŭdaŭ. Pra heta zajaviŭ Łukašenka, prymajučy ŭ aŭtorak z dakładam členaŭ urada i kiraŭnictva Administracyi prezidenta, piša Tut.by.
Łukašenka padkreśliŭ, što ŭ ciapierašnich epidemijałahičnych umovach hałoŭnaje — nie statystyka pa kolkaści tych, chto zachvareŭ, a vyratavańnie žyćciaŭ ludziej.
— Hałoŭny pakazčyk — heta śmiarotnaść nasielnictva. Tak, heta žyćcio, chtości naradžajecca, niechta sychodzić z žyćcia, i nikudy my ad hetaha nie padzieniemsia. Mnie voś učora dałažyli, što dva čałavieki za apošnija troje sutak zahinuli. Adna žančyna z čaćviortaj stupieńniu raku. Nu zusim słabaja była, i padklučyŭsia virus. Zahinuła. Čaćviortaja stupień, tym nie mienš za jaje lekary zmahalisia dzień i noč. Tamu nie treba tut nakatvać, što chtości tut zacikaŭleny ŭ tym, kab było horš, — zajaviŭ Łukašenka.
U Biełarusi na 12 maja zarehistravany 24 873 čałavieki sa stanoŭčym testam na COVID-19. Za ŭvieś pieryjad raspaŭsiudžvańnia infiekcyi na terytoryi krainy pamierli 142 pacyjenty.
Ź ich siem za apošnija sutki, čaćviora — dniom raniej, a pa infarmacyi na ranicu niadzieli — piać.
Z 8 maja pa 12 maja kolkaść pamierłych vyrasła sa 121 čałavieka da 142 (apošni radok).
| 8.05 | 21 101 | +933 | +4,63% | 140 | 5484 | 121 |
| 9.05 | 22 052 | +951 | +4,5% | 6050 | 126 (+5) | |
| 10.05 | 22 973 | +921 | +4,18% | 6406 | 131 (+5) | |
| 11.05 | 23 906 | +933 | +4,06% | 6531 | 135 (+4) | |
| 12.05 | 24 873 | +967 | +4,04% | 6974 | 142 (+7) |
