Jeŭrapiejski bank rekanstrukcyi i raźvićcia (JEBRR) prahnazuje padzieńnie VUP Biełarusi ŭ 2020 hodzie na ŭzroŭni 5% u vyniku ŭpłyvu karanavirusnaj infiekcyi, jakaja ŭzmacniła recesiju i źniziła źniešni i ŭnutrany popyt, havorycca ŭ spravazdačy JEBRR «Rehijanalnyja ekanamičnyja pierśpiektyvy», jakaja apublikavana ŭ sieradu, paviedamlaje Interfax.by.
Pavodle acenki ekśpiertaŭ banka, ekanomika Biełarusi zmoža adnavić rost da 3,5% ŭ 2021 hodzie.
U spravazdačy adznačajecca, što padzieńnie pramysłovaj vytvorčaści ŭ Biełarusi było vyklikana ŭ pačatku hoda adsutnaściu naftahazavych damoŭlenaściaŭ z Rasijaj. Heta pryviało da zbojaŭ u pracy naftapierapracoŭčych zavodaŭ.
Ekśpierty taksama adznačajuć, što padzieńnie cenaŭ na naftu i recesija ŭ Rasii, ź jakoj impartujecca 56% tavaraŭ i na jakuju prypadaje 41% biełaruskaha ekspartu, akazvajuć niehatyŭny ŭpłyŭ na makraekanamičny prahnoz dla Biełarusi. Čakajecca, što niavyznačanaść, jakaja ciapier raście, akaža ŭpłyŭ na ŭnutrany handal.
