bangkokpost.com
Karanavirus adstupiŭ jašče ŭ adnoj krainie — u Tajłandzie ŭpieršyniu z momantu pačatku epidemii nie zafiksavana nivodnaha vypadku i nivodnaj śmierci ad jaho. Pra heta paviedamlaje Bangkok Post.
Niahledziačy na pazityŭnyja naviny, ułady zaklikali žycharoŭ nie admaŭlacca ad mier zaściarohi dla baraćby ź infiekcyjaj. U pryvatnaści časta myć ruki, nasić maski, zachoŭvać sacyjalnuju dystancyju. Takija pavodziny ŭ krainie nazyvajuć «praviłami novaj narmalnaści».
Za ŭvieś čas u Tajłandzie było zafiksavana 3017 vypadkaŭ COVID-19, 56 čałaviek pamierli, 2844 vyzdaravieli.
Raniej paviedamlałasia pra toje, što karanavirus udałosia zadušyć u Vjetnamie i Novaj Ziełandyi.
U Novaj Ziełandyi z 3 maja tolki try vypadki karanavirusa, u Vjetnamie — za ŭvieś čas 288 vypadkaŭ i 0 śmierciaŭ.