Biełaruskaja čyhunka praciahnuła dziejańnie novaj schiemy rassadžvańnia ŭ ciahnikach z numaravanymi miescami da 15 červienia ŭklučna.
Rassadžvańnie pa novaj schiemie było ŭviedziena BČ z 15 krasavika z metaj zachavańnia pasažyrami nieabchodnaj sacyjalnaj dystancyi u kupejnych, płackartnych vahonach i ŭ vahonach ź miescami dla siadzieńnia.
Miera nakiravana na zachavańnie zdaroŭja hramadzian, prafiłaktyku raspaŭsiudžvańnia virusnych infiekcyj siarod pasažyraŭ.
Zhodna z novaj schiemaj rassadžvańnia u kupejnych vahonach raźmiaščajucca nie bolš za dva pasažyry ŭ kupe, u płackartnych — nie bolš za try ŭ adnym adsieku. Dla pasažyraŭ, jakija aformili prajaznyja dakumienty ŭ adnoj zamovie, dazvalajecca prodaž i 3, i 4 miescaŭ u kupe, pry ŭmovie, što da hetaha ŭ kupe nivodnaha miesca nie było pradadziena.
Pry afarmleńni prajaznych dakumientaŭ u vahony ź miescami dla siadzieńnia schiema rassadžvańnia pasažyraŭ zaležyć ad ich kanfihuracyi — 2+2 ci 3+2. U dvuchmiesnym šerahu pasažyr zajmaje miesca la akna, u trochmiesnym - adzin pasažyr kala akna, a druhi - praź miesca la prachodu (siaredni šerah zastajecca volnym).
Novaja schiema rassadžvańnia ŭžyvajecca pry afarmleńni prajaznych dakumientaŭ jak u čyhunačnych kasach, tak i praź Internet.
