Avaryja zdaryłasia ŭviečary 14 maja ŭ Puchavickim rajonie. Troje dakumientalistaŭ, jakija zdymali film pra vałancioraŭ, viartalisia na «Sitrajenie» dadomu. Raptam u ich mašynu ŭjechaŭ 20-hadovy kiroŭca na Rover, jaki vylacieŭ na sustrečnuju pałasu.
U vyniku kiroŭca Rover i dvoje chłopcaŭ-vałancioraŭ zahinuli.
Heta maładyja dakumientalisty Maksim Haŭrylenka i Uładzimir Michajłoŭski — u čas pandemii jany taksama dapamahali ź pieravozkami srodkaŭ abarony ŭ balnicy. Chłopcam było 26 i 33 hady adpaviedna.
Uładzimir Michajłoŭski (źleva) i Maksim Haŭrylenka. Fota z Facebook.
Jašče adna dakumientalistka, Luboŭ Ziamcova, jakaja była ź imi ŭ mašynie, ciapier znachodzicca ŭ reanimacyi ŭ ciažkim stanie.
«Učora jany viartalisia ad mianie z Homiela. Sprabujem ciapier zrazumieć, što dalej rabić, jak dapamahčy z pachavańniem», — raskazaŭ adzin z kiraŭnikoŭ vałanciorskaj inicyjatyvy Vycovid-19 Andrej Stryžak.
Aproč dapamohi miedykam, kamanda pracavała nad cykłam dakumientalnych filmaŭ «Nieviadomaja Biełaruś».
