Havorka pakul idzie pra adzin tankier, pieravałka jakoha adbudziecca ŭ Kłajpiedzie.
Biełaruś pačynaje pastaŭki nafty z ZŠA, zajaviŭ ministr zamiežnych spraŭ Uładzimir Makiej. Heta stała mahčymym pa vynikach damoŭlenaściaŭ, dasiahnutych padčas vizitu ŭ Biełaruś dziaržsakratara ZŠA Majkła Pampiea i sustrečy z Alaksandram Łukašenkam, havorycca ŭ zajavie ministra, źmieščanaj na sajcie MZS.
«Z zadavalnieńniem pacviardžaju pačatak pastavak nafty z ZŠA ŭ Biełaruś», — havorycca ŭ zajavie.
Ažyćciaŭleńnie pastavak amierykanskaj nafty źjaŭlajecca častkaj dziaržaŭnaj stratehii pa dyviersifikacyi krynic (zabieśpiačeńnia) i zabieśpiačeńni ŭstojlivaj pracy naftapierapracoŭčaha kompleksu Biełarusi ŭ 2020 i ŭ nastupnyja hady.
«Razhladajem supracoŭnictva z ZŠA ŭ naftavaj śfiery jak istotny elemient enierhietyčnaj biaśpieki dziaržavy, jak važnuju častku krain, jakija raźvivajucca, i jaki maje značny patencyjał handlovaha i inviestycyjnaha ŭzajemadziejańnia, a taksama jak faktar zabieśpiačeńnia suvierenitetu našaj krainy ŭ ekanamičnaj halinie», — adznačyŭ Makiej.
Ministr taksama adznačyŭ, što Biełaruś viadzie pracu z amierykanskim bokam pa dalejšym raźvićci dvuchbakovych ekanamičnych suviaziaŭ. Stvoranyja namahańniami Minska i Vašynhtona novyja mahčymaści ŭ halinie handlu i kapitałaŭkładańniaŭ vyhadnyja amierykanskim i biełaruskim kampanijam.
«Biełaruski bok praciahnie dziejničać u intaresach umacavańnia partniorskich adnosin z ZŠA, jakija, pa našym pierakanańni, ujaŭlajuć saboj układ u supolnyja namahańni pa pieraadoleńni supiarečnaściaŭ u Jeŭra-Atłantycy i Jeŭrazii», — zajaviŭ Makiej.
Pakul budzie pastaŭlena 80 tysiač ton hatunku Bakken.
Tankier pavinien prybyć u Kłajpiedu ŭ pačatku červienia, paviedamiŭ pres-sakratar Biełnaftachima Alaksandr Ciščanka.
