Złučanyja Štaty hatovyja zadavolić patreby Biełarusi ŭ enierhanośbitach. Pra heta ŭ piśmovaj zajavie napisaŭ dziaržsakratar ZŠA Majkł Pampiea.
«Na hetym tydni pieršaja partyja amierykanskaj nafty adpravicca ŭ Biełaruś. Hetaja kankurentnaja ździełka, zroblenaja pry ŭdziele amierykanskaha enierhatrejdara United Energy Trading, a taksama pry sadziejničańni amierykanskaj kampanii Getka i ich polskaha partniora UNIMOT, umacoŭvaje biełaruski suvierenitet i niezaležnaść, demanstruje, što ZŠA hatovyja dać handlovyja mahčymaści amierykanskim kampanijam, zacikaŭlenym u vychadzie na biełaruski rynak», — skazaŭ kiraŭnik amierykanskaj dypłamatyi. Jon nahadaŭ, što takim čynam Złučanyja Štaty «vykonvajuć uziatyja na siabie ŭ lutym abaviazacielstvy».
Taksama dziaržsakratar ZŠA zajaviŭ pra hatoŭnaść dapamahać amierykanskim kampanijam, zacikaŭlenym u vychadzie na enierhietyčny rynak Biełarusi.
