U milicyju z zajavaj źviarnuŭsia 29-hadovy mahiloviec. Mužčyna śćviardžaŭ, što ŭ jaho skrali 800 dalaraŭ, piša mogilev.online.
Śledstva vyśvietliła, što hrošy z kvatery źnikli paśla vizitu novaj znajomaj paciarpiełaha — 31-hadovaj mahiloŭki ŭ dekretnym adpačynku. Maładyja ludzi paznajomilisia niekalki dzion tamu i vyrašyli praciahnuć znosiny doma ŭ mužčyny, dzie i praviali noč.
Na ranicu haścinny haspadar ubačyŭ, što z 3900 dalaraŭ, jakija lažali ŭ tumbačcy kala łožka, zastałosia tolki 3100. Patelefanavaŭšy svajoj načnoj hości, jon abvinavaciŭ jaje ŭ kradziažy, ale žančyna admaŭlała svajo dačynieńnie.
Na dopycie ŭ śledčaha padazravanaja ŭsio ž raskazała praŭdu: hrošy ŭziała jana, tamu što ŭ dekrecie joj nie chapała hrošaj. Skradzienyja hrošy ŭ jaje kanfiskavali i zaviali kryminalnuju spravu.
