U niadzielu, 17 maja, minaje damova na tranzit rasijskaha hazu praz Polšču. Praciahvać jaje Varšava admoviłasia i tym samym razarvała supracoŭnictva, piša Reuters.
Ciapier «Hazpromu» daviadziecca braniravać na aŭkcyjonach karotkaterminovyja tranzitnyja mahutnaści ŭ polskaha apieratara Gaz-System.
Prapampoŭka praz hazapravod «Jamał-Jeŭropa», jaki cieraz Polšču idzie ŭ Niamieččynu, składaje 33 miljardy kubamietraŭ u hod. Dahavor, jaki končyŭsia, byŭ składzieny jašče ŭ 1990-ja hady.
Napružanaść u adnosinach pamiž Maskvoj i Varšavaj z-za impartu hazu źjaŭlajecca častkaj bolš šyrokaj palityčnaj napružanaści pamiž Rasijaj i Zachadam na fonie anieksii Kryma Rasijaj.
Varšava nieadnarazova zajaŭlała, što nie budzie kuplać rasijski haz paśla 2022 hoda. Zamiest hetaha Polšča budzie kuplać amierykanski i narviežski haz.
