Prezident Małdovy Ihar Dadon admoviŭsia ad pajezdki ŭ Biełaruś, kab paźbiehnuć karancinu pa viartańni. Pra heta jon zajaviŭ u piatnicu padčas štotydniovaha vypusku «Prezident adkazvaje», jaki pravioŭ u žyvym efiry ŭ sacyjalnych sietkach, piša interfax.by.
Dadon adznačyŭ, što na nastupnym tydni ŭ Minsku adbudziecca pasiadžeńnie Savieta kiraŭnikoŭ dziaržaŭ krain Jeŭrazijskaha Ekanamičnaha Sajuza, u jakim Małdova maje status naziralnika.
«Pa ŭzhadnieńni pamiž prezidentami Alaksandram Łukašenkam i Uładzimiram Pucinym hetaje pasiadžeńnie projdzie ŭ režymie videakanfierencyi. Ale ŭ mianie było zaprašeńnie ŭ hety ž pieryjad pajechać u Minsk. Ja źbiraŭsia jechać, ale admoviŭsia ad hetaha namieru, bo ŭ inšym vypadku daviałosia b zastavacca ŭ karancinie na praciahu 14 dzion paśla viartańnia», — zajaviŭ Dadon.
