Urad Italii maje namier z 3 červienia źniać zabaronu na pajezdki pamiž rehijonami, a taksama dazvolić ujazdžać u krainu i vyjazdžać ź jaje ŭ suviazi z pasłableńniem abmiežavalnych mier, uviedzienych praz karanavirus novaha typu. Pra heta paviedamlaje TASS sa spasyłkaj na infarmacyju ŭradavaj pres-słužby, apublikavanuju pa vynikach pasiadžeńnia Savieta Ministraŭ krainy.
Jak adznačajecca ŭ paviedamleńni, z 3 červienia pajezdki pamiž rehijonami Italii mohuć być zabaronienyja tolki ŭ vypadku najaŭnaści vysokaj ryzyki zaražeńnia karanavirusam u hetych rajonach. Hetyja ž praviły buduć prymianiacca i da hramadzian, jakija płanujuć ujechać u Italiju abo vyjechać ź jaje, to-bok dziaržaŭnaja zabarona moža być uviedziena na naviedvańnie, a taksama prybyćcio z krain i z terytoryj sa składanaj epidsituacyi i ŭ adpaviednaści z abmiežavańniami, jakija vynikajuć z ukazaŭ ES i mižnarodnych abaviazacielstvaŭ. Pieramiaščeńni pamiž Vatykanam abo San-Maryna i susiednimi terytoryjami buduć dazvolenyja.
Akramia taho, z 18 maja zdymajucca abmiežavańni na pieramiaščeńnie hramadzian u miežach adnaho rehijona, adnak u vypadku abvastreńnia epidsituacyi miascovyja ŭłady mohuć adnavić dziejańnie abmiežavalnych mier.
Na siońnia ŭ Italii zafiksavana amal 224 tysiačy inficyravanych, ź jakich bolš za pałovu (bolš za 120 tysiač) papravilisia i bolš za 31,5 tysiačy pamierli.
