Uładalnik restarana ŭ Tejłarsie (Paŭdniovaja Karalina, ZŠA) Pauła Star Mieleš pasadziła nadzimanych lalek za stoliki, kab zabiaśpiečyć sacyjalnaje dystancyjavańnie va ŭstanovie i stvaryć bačnaść vialikaj kolkaści naviedvalnikaŭ.
Mieleš raspaviała Fox, što nie chacieła nanosić raźmietku ŭnutry restarana i tamu abmierkavała z supracoŭnikami inšyja sposaby zabiaśpiečyć sanitarnyja patrabavańni.
Uładalniki restarana znajšli piać mužčyn i piać žančyn, nadzieli na ich svaju vopratku i nadźmuli.
Akramia taho, padobnaje rašeńnie dazvoliła stvaryć bačnaść vialikaj kolkaści naviedvalnikaŭ u zale. Ciapier hości «adčuvajuć siabie nie tak samotna».
U Paŭdniovaj Karalinie z kanca krasavika stali asłablać abmiežavańni, uviedzienyja z-za karanavirusa. U štacie dazvolili adkryć restarany, kali tyja buduć vykonvać sanitarnyja patrabavańni.
Padobnyja miery taksama anansavaŭ restaran u Vašynhtonie, jaki adkryjecca 29 maja. Tam za svabodnyja stały pasadziać maniekieny.
