Jašče ŭ 2000-ch u Minsku taksafonaŭ było niekalki tysiač. Ciapier — 131, piša sb.by. Kali z vami niešta zdarycca, a mabilny telefon, naprykład, razradžany, z taksafona možna biaspłatna patelefanavać u ekstrannyja słužby 101, 102, 103, 104, 112. Za inšyja zvanki pryjdziecca płacić.
Na žal, pad manietki minskija taksafony nie prystasavanyja, tamu daviadziecca nabyć admysłovyja servisnyja telefonnyja karty (STK): jany pradajucca na pošcie, u kijoskach «Minsktransa», adździaleńniach «Biełtelekama».
Vy ździviciesia, ale taksafonami jašče karystajucca: u siarednim u Minsku z taksafona ździajśniajecca 140 zvankoŭ u miesiac, padličyli ŭ «Biełtelekamie».
Ciapier taksafony zachoŭvajucca tam, dzie karystańnie inšymi vidami suviazi abmiežavana, naprykład, u voinskich čaściach, ustanovach pienitencyjarnaj sistemy i hetak dalej. Pa-druhoje, taksafonnaja suviaź jość na vakzałach, va ŭstanovach achovy zdaroŭja, adukacyi i na inšych abjektach, dzie hety vid suviazi karystajecca popytam.
