U niadzielu, 17 maja, prajšli davybary ŭ miascovy saviet u Kałodziščach. Hałasavańnie było biezalternatyŭnym, bałatavaŭsia tolki adzin čałaviek.
Partyja BNF apublikavała fota pratakoła z učastka №1. Heta nie zusim zvyčajny ŭčastak, bo da jaho adnosiacca bolš za 200 vajskoŭcaŭ. Dla ich było arhanizavana vyjaznoje hałasavańnie ŭ dzień vybaraŭ.
Ale źviartaje na siabie ŭvahu kolkaść vybarcaŭ, jakija pryniali ŭdzieł u daterminovym hałasavańni, — usiaho 19 čałaviek. Heta 3,5% ad ahulnaj kolkaści ŭdzielnikaŭ hałasavańnia.
Ličba admietnaja, bo jana demanstruje realnuju kolkaść biełarusaŭ, jakim zručna hałasavać daterminova. Na ŭčastku ŭ Kałodziščach naziralniki nie zaŭvažyli nijakaha prymusu da ŭdziełu u daterminovym hałasavańni.
Dla paraŭnańnia, u daterminovym hałasavańni na parłamienckich vybarach-2019, pa padlikach CVK, pryniali ŭdzieł 35,77% vybarcaŭ.
fota Illi Dabratvora
fota Illi Dabratvora