U poŭnač na paniadziełak, 18 maja, u Čechii skončyŭsia termin, na jaki było ŭviedziena nadzvyčajnaje stanovišča, paviedamlaje Radyjo Praha.
Niekatoryja miery pa baraćbie z COVID-19, adnak, zastajucca ŭ sile i dalej. Ludzi dalej abaviazany va ŭsich publičnych miescach nasić na tvary masku, jakaja zasłaniaje rot i nos. Da 25 maja zastajucca zakrytyja ŭnutranyja pamiaškańni restaranaŭ i ŭstanoŭ hramadskaha charčavańnia, a taksama haścinicy, basiejny, saŭny, zakrytyja paviljony ŭ zaaparkach.
Dazvolena praviadzieńnie hramadskich mierapryjemstvaŭ kolkaściu da 100 čałaviek. Kantrol na miežach zachavajecca, jak miarkujecca, da 13 červienia, u zaležnaści ad raźvićcia epidemijałahičnaj situacyi.
Kraina znachodziłasia ŭ režymie nadzvyčajnaha stanovišča roŭna 66 dzion.