Kurortnaja industryja Kipra budzie hatovaja da pryjomu turystaŭ z 15 červienia. Pra heta zajaviŭ u aŭtorak kiprskamu infarmacyjnamu ahienctvu staršynia kamiteta pa enierhietycy, handli, pramysłovaści i turyźmie Pałaty pradstaŭnikoŭ Respubliki Kipr Andreas Kipryjanu, piša tass.ru.

Kipr raźličvaje ŭ hetym hodzie na adnaŭleńnie 30% turystyčnaj płyni na vostraŭ ad pakazčykaŭ minułaha hoda. Raźlik robicca na pryjezd prykładna miljona turystaŭ i na vyručku ŭ pamiery €800 młn. Novaja rekłamnaja kampanija źbirajecca prasoŭvać Kipr jak biaśpiečny kirunak u kantekście pašyreńnia karanavirusa.

U suviazi z pandemijaj na vostravie ŭstupiać u siłu adpaviednyja pratakoły, jakija tyčacca normaŭ akazańnia turystyčnych pasłuh, arhanizacyi charčavańnia, tranśfieraŭ pamiž hatelami i aeraportami, hramadskich pavodzinaŭ u hatelach, na plažach, u basiejnach i taksi.

U pieršuju čarhu havorka idzie ab turystach z krain z takoj ža spryjalnaj epidemičnaj abstanoŭkaj, jak na Kipry, a mienavita ab Hrecyi, Izraili, šerahu krain Blizkaha Uschodu i Hiermanii. Na paźniejšym etapie raźličvajuć adnavić turystyčnuju płyń ź Vialikabrytanii i Rasii — krain, hramadzianie jakich tradycyjna źjaŭlajucca asnoŭnymi spažyŭcami turystyčnych pasłuh Kipra.

Клас
0
Панылы сорам
0
Ха-ха
0
Ого
0
Сумна
0
Абуральна
0