U Brazilii za sutki ad źviazanych z karanavirusam zachvorvańniaŭ pamierli 1179 čałaviek, paviedamiła ministerstva achovy zdaroŭja krainy, piša Deutsche Welle.
Hety pakazčyk źjaŭlajecca samym vysokim za ŭvieś čas pandemii. Ahulnaja kolkaść śmiarotnych vynikaŭ skłała 17 971. Usiaho ŭ Brazilii na karanavirus zachvareli 271 885 čałaviek.
Jak udakładniaje ahienctva AFP, prezident Žair Bałsanaru, jaki prytrymlivajecca vielmi pravych pohladaŭ, znachodzicca ŭ adkrytym kanflikcie z bolšaściu z hubiernataraŭ 27 štataŭ krainy, pakolki jon pieramianšaje značeńnie pandemii i nastojvaje na spynieńni abmiežavalnych mier u intaresach vyratavańnia ekanomiki.
0
0
0
0
0
0
