president.gov.ua
Prezident Ukrainy Uładzimir Zialenski na pres-kanfierencyi, prymierkavanaj da hadaviny z dnia inaŭhuracyi, upieršyniu dapuściŭ mahčymaść vyłučeńnia na druhi prezidencki termin, paviedamlaje RBK.
Na pytańnie žurnalista pra toje, ci chopić jamu adnaho terminu na pasadzie prezidenta, kab vykanać usie abiacańni, jakija jon daŭ pierad prezidenckimi vybarami, Zialenski adkazaŭ: «Sapraŭdy — nie chopić».
«Heta niaprostaja rabota, nichto dziakuj za jaje nie skaža», — dadaŭ jon nieŭzabavie, udakładniajučy svaje słovy ab prezidenckim terminie. Zialenski dadaŭ, što padumaje ab druhim terminie, kali pryjdzie čas, u vypadku kali budzie padtrymka naroda Ukrainy.
Heta pieršaja padobnaja zajava z vusnaŭ Zialenskaha — raniej jon nie zhadvaŭ ab płanach pieraabiracca na druhi termin.
