Strym błohiera Siarhieja Cichanoŭskaha paśla jaho vyzvaleńnia hladzieli adnamomantava bolš za 35 tysiač čałaviek. Błohier u kadry prosta raskazvaŭ padrabiaznaści svajho zatrymańnia i adsiedki. Za čas efiru jamu achviaravali $3720.

Nahadajem, błohiera Siarhieja Cichanoŭskaha, jaki byŭ zapar asudžany na 45 sutak aryštu, vyzvalili ź izalatara časovaha ŭtrymańnia ŭ Homieli.

Siarhiej Cichanoŭski byŭ zatrymany šostaha maja pad Mahilovam. Jaho źmiaścili ŭ IČU Homiela. Padstavaj dla zatrymańnia błohiera stała pastanova suda Savieckaha rajona horada Homiela ab administracyjnym aryšcie, vyniesienaja jašče ŭ studzieni. A mienavita heta pastanova ab 15 sutkach aryštu za ŭdzieł u akcyi suprać intehracyi z Rasijaj 20 śniežnia. Padčas adbyvańnia hetych 15 sutak nad błohieram adbylisia jašče dva sudy, na kožnym ź jakich jon atrymaŭ jašče pa 15 sutak aryštu. Akramia taho, pa słovach Cichanoŭskaha, na jaho skłali jašče šmat pratakołaŭ pa artykule 23.34 KaAP za arhanizacyju sustreč z padpisčykami ŭ roznych haradach Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0