Kiraŭnik Mižnarodnaha alimpijskaha kamiteta (MAK) Tomas Bach zajaviŭ, što letniaja Alimpijada ŭ Tokia moža nie adbycca, kali jaje nie atrymajecca pravieści ŭ 2021 hodzie. Pavodle jaho słoŭ, premjer-ministr Japonii Sindza Abe ličyć nastupnaje leta apošnim varyjantam dla praviadzieńnia spabornictvaŭ, piša RBK.
«Razumieju, što niemahčyma pastajanna pieranosić Hulni, najmajučy pa niekalki tysiač čałaviek u arhanizacyjny kamitet. Nielha taksama kožny hod pierabudoŭvać kalandar spabornictvaŭ u mižnarodnych fiederacyj. Spartsmienam patrebna peŭnaść», — cytuje Bacha Bi-bi-si.
Alimpijada ŭ Tokia pavinna była adbycca z 24 lipienia pa 9 žniŭnia 2020 hoda. Adnak z-za pandemii karanavirusa ŭ krasaviku MAK vyrašyŭ adkłaści praviadzieńnie Hulniaŭ na hod, zaraz jany zapłanavany na leta 2021 hoda.
