BiełTA
Alaksandr Łukašenka siońnia na sustrečy ź ministram achovy zdaroŭja Uładzimiram Karanikam i pamočnikam prezidenta Alaksandram Kosincam abmierkavaŭ epidabstanovku ŭ krainie, pieradaje ANT u svaim telehram-kanale.
— Ja baču infarmacyju, kantraluju, ale ni ŭ jakim razie nielha rassłablacca. Treba da kanca prajści hety šlach i dakazać usim, asabliva ŭ nas u krainie, — skazaŭ Alaksandr Łukašenka. — Nam treba zmahacca za žyćcio ludziej. Treba trymacca z usich sił i ratavać ludziej, tamu što zastaniecca adzin pakazčyk — śmiarotnaść.
— Ale ni ŭ jakim razie nie rassłablacca. Treba aryjentavać našych daktaroŭ. Jany małajcy, dy i Ministerstva achovy zdaroŭja dobra arhanizuje hetuju pracu. A hałoŭnaje, što vy vyvučajecie štodzionny dośvied. Chaciełasia b, kab vy vytrymali heta. Napeŭna, pakul my kančatkova nie adydziem ad hetaha, miesiac nam jašče daviadziecca boŭtacca. Viadoma, nie toj uzrovień ŭžo, lahčej troški stała, ale nie rassłablacca, — zajaviŭ jon.
