Ab hetym kiraŭnik dziaržavy zajaviŭ siońnia, prymajučy z dakładam ministra achovy zdaroŭja Uładzimira Karanika i svajho pamočnika Alaksandra Kosinca, paviedamlaje jaho pres-słužba.
president.gov.by
Łukašenka adznačyŭ, što asabliva ŭ Viciebsku i Minsku, jakija pieršymi sutyknulisia ź virusnaj prablemaj, zachvorvańnie ŭžo idzie na spad: «Pabyvali vy ŭ Viciebsku. My vyjšli na płato i bačym, što pajšli na spad. Minsk, Viciebsk — jany raniej, asabliva Viciebsk, uvajšli ŭ hetuju prablemu, i jany ŭžo vychodziać. Vy bačycie, što miescy vyzvalajucca. Tam, dzie my reziervavali ankałahičnyja, hiniekałahičnyja łožki, jašče niejkija, jany nam nie patrebnyja, ich treba vyvodzić, začyščać, vymyvać».
Jon adznačyŭ, što, naprykład, adpaviednyja pracesy ŭ Minsku ad jaho imia kantraluje staršynia Savieta Respubliki Natalla Kačanava. Jak dakładajuć kiraŭniku dziaržavy, u stalicy situacyja stabilizavałasia. «My nie bačym rostu ŭ Minsku zaraz. Heta ščaście. Navat užo ŭ minus pajšli. Heta dobra. Taksama treba vyzvalać balnicy, jakija my zahadzia rychtavali na ŭsialaki vypadak, kab u nas byli łožki ŭ zapasie. Treba razumieć, što ŭ nas ža ankałahičnyja apieracyi. Chaj nie składanyja, nie ciažkija, ale adkładzienyja. Tamu treba terminova viartać hetyja balnicy ankachvorym. Toje ž samaje i inšyja balnicy, jakija pavinny zajmacca lačeńniem inšych chvarob», — skazaŭ kiraŭnik dziaržavy.
Jon adznačyŭ, što ŭ krainie vybrali słušnuju stratehiju nadavać pryjarytetnaj uvazie lačeńnia pnieŭmanij, niezaležna ad usich pryčyn, a nie tolki karanavirusnych: «Heta była pravilnaja stratehija. I my siońnia bačym, što hetyja pnieŭmanii, dziakuj Bohu, pajšli ŭniz».
| Dzień | ahulnaja kolkaść | pryrost u dzień | u pracentach | kolkaść vyzdaraviełych | kolkaść pamierłych |
| 2.05 | 15 828 | +911 | +6,1% | 3117 | 97 |
| 3.05 | 16 705 | +877 | +5,54% | 3196 | 99 |
| 4.05 | 17 489 | +784 | +4,6% | 3259 | 103 |
| 5.05 | 18 350 | +861 | +4,9% | 3771 | 107 |
| 6.05 | 19 255 | +905 | +4,9% | 4388 | 112 |
| 7.05 | 20 168 | +913 | +4,74% | 5067 | 116 |
| 8.05 | 21 101 | +933 | +4,63% | 5484 | 121 |
| 9.05 | 22 052 | +951 | +4,5% | 6050 | 126 |
| 10.05 | 22 973 | +921 | +4,18% | 6406 | 131 |
| 11.05 | 23 906 | +933 | +4,06% | 6531 | 135 |
| 12.05 | 24 873 | +967 | +4,04% | 6974 | 142 |
| 13.05 | 25 825 | +952 | +3,82% | 7711 | 146 |
| 14.05 | 26 772 | +947 | +3,67% | 8168 | 151 |
| 15.05 | 27 730 | +958 | +3,58% | 8807 | 156 |
| 16.05 | 28 681 | +951 | +3,42% | 9498 | 160 |
| 17.05 | 29 650 | +969 | +3,38% | 9932 | 165 |
| 18.05 | 30 572 | +922 | +3,1% | 10 130 | 171 |
| 19.05 | 31 508 | +936 | +3,06% | 10 620 | 175 |
| 20.05 | 32 426 | +918 | +2,9% | 11 415 | 179 |
| 21.05 | 33 371 | +945 | +2,9% | 12 057 | 185 |
