Jakich-niebudź zabaronaŭ, źviazanych z vajenna-techničnym uzajemadziejańniem Biełarusi i Kitaja, nie isnuje. Pra heta zajaviŭ u aŭtorak žurnalistam kiraŭnik MZS RF Siarhiej Łaŭroŭ, piša TASS.

«Što datyčycca supracoŭnictva pamiž Biełaruśsiu i Kitajem, pra što kazaŭ prezident Łukašenka. My ź Biełaruśsiu sajuźniki, u nas vielmi ciesnaje vajennaje ŭzajemadziejańnie, ahulnaje vajennaje płanavańnie, ale jakich-niebudź zabaronaŭ na vajenna-techničnaje ŭzajemadziejańnie Biełarusi z Kitajem nie isnuje», — skazaŭ jon.

Ministr padkreśliŭ, što ŭ Rasii jość prajekty ŭ hetaj śfiery z zamiežnymi krainami. «Hałoŭnaje, što my pry hetym nikoli nie idziom pa šlachu, jaki moža stvarać ryzyki dla našaj Sajuznaj dziaržavy, dla biaśpieki i vajennych intaresaŭ Rasii i Biełarusi. Upeŭnieny, što našy biełaruskija partniory dziejničajuć hetak ža», — dadaŭ Łaŭroŭ.

U minułuju piatnicu padčas naviedvańnia dośledna-vyprabavalnaha ŭčastka ŭ Mačuliščach Alaksandr Łukašenka zajaviŭ pra hatoŭnaść na ŭzroŭni lidaraŭ krain damovicca, naprykład, z KNR na praviadzieńnie vyprabavańniaŭ rakietaŭ.

«Nam patrebnaja svaja rakieta. My nie možam stvarać zbroju, pa jakoj my budziem zaležać ad inšych krain. Kali nam Rasija vykačvaje nieprymalnyja ŭmovy, ujavicie siabie, jak buduć vieści siabie inšyja dziaržavy. Nichto hetu zbroju prosta tak nie daść. Heta nam jašče pašancavała damovicca z kitajcami. Im treba pakłanicca za heta. Ale dalej zaležnaści hetaj być nie pavinna», — abaznačyŭ zadaču Łukašenka.

Łukašenka: Nie treba pierad rasijanami stanavicca na kaleni

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?