Padčas narady ŭ Alaksandra Łukašenki było zakranutaje pytańnie i anłajn-handlu, i sekand-chendaŭ. Rynak musić być zabiaśpiečany tavarami ajčannaj vytvorčaści na ŭzroŭni 80—85 pracentaŭ. Pakul heta ličba składaje kala 76 pracentaŭ, piša Źviazda.

Ministr antymanapolnaha rehulavańnia i handlu Uładzimir Kałtovič padkreśliŭ, što pravierki majuć metaj nie vyklučeńnie pastavak zamiežnych tavaraŭ, a zabiaśpiečeńnie roŭnych ŭmoŭ dostupu na rynak.

Uładzimir Kałtovič pahadziŭsia, što ŭ biahučaj situacyi vyjhraŭ anłajn-handal. Ministr prahnazuje, što situacyja nie vielmi źmienicca paśla pandemii — naadvarot, jana atrymaje raźvićcio ŭ Biełarusi i ŭ śviecie. U suviazi z hetym uźnikaje zadača zabiaśpiečyć kankurencyju na dadzienym rynku.

«Chutčej za ŭsio, my vyznačym farmat dyskaŭntara, pakolki jon adroźnivajecca ad zvyčajnaha roźničnaha handlu. Hety vid karystajecca popytam. Kali kazać pra sekand-chendy, ministerstva padrychtavała dla hramadskaha abmierkavańnia pastanovu, u jakoj prapanujecca ŭ takich kramach zabaranić realizacyju novych tavaraŭ», — dadaŭ Uładzimir Kałtovič.

Клас
Панылы сорам
Ха-ха
Ого
Сумна
Абуральна