Spad, jaki čakaje biełaruskuju ekanomiku ŭ 2020 hodzie, budzie samym vialikim za apošnija 25 hadoŭ. Taki prahnoz daŭ Suśvietny bank u onłajn-prezentacyi 26 traŭnia, paviedamlaje Radyjo Svaboda.

Suśvietny bank prahnazuje, što vałavy ŭnutrany pradukt (VUP) Biełarusi źnizicca na 4% u paraŭnańni ź minułym hodam, hadavaja inflacyja składzie 8,4%, a dziaržaŭny doŭh vyraście da 55,2% VUP z 43,7% VUP u 2019 hodzie.

«Biełaruś adčuvaje na sabie cisk u suviazi ź niekalkimi nehatyŭnymi čyńnikami. Pierš za ŭsio, heta šok ad padzieńnia cenaŭ na naftu, jaki adbyŭsia ŭ pačatku 2020 hodu, a taksama šok z pryčyny źnižeńnia pastavak syroj nafty», — adznačyła padčas prezentacyi prahnozu ekanamistka SB Maryna Sidarenka.

Pavodle prahnozu, adnaŭleńnie ekanomiki budzie pastupovym i vielmi ŭmieranym. U 2021 hodzie rost VUP składzie 1%, ŭ 2022 hodzie — 1,2%.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?