Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.
Jakija možna zrabić vysnovy na hetaj stadyi? Pa-pieršaje, sioletniaje bresckaje «Dynama» nie zdolnaje znoŭ vyjhrać čempijanat: letašnija lidary nie ciahnuć, Mileŭski nie maładzieje, a Siarhiej Kavalčuk nie zmoh zamianić Marceła Ličku.
Impuls bieraściejcam moh nadać vyjhryš Kubka Biełarusi, ale ŭ finale «Dynama» prajhrała BATE. Prytym vielmi kryŭdna, ažno na 121-j chvilinie, kali ŭsie ŭžo padrychtavalisia da sieryi pienalci.
Tolki što Zachar Vołkaŭ prynios pieramohu BATE ŭ finale kubka. Fota: FK BATE.
Pa-druhoje, spad abodvuch «Dynama» i «Šachciora» dazvoliŭ stać ciomnymi kabyłkami «Enierhietyku-BDU» i «Tarpieda-BiełAZ». Niekatory čas u lidarach išoŭ i «Słuck», ale try matčy bieź pieramoh adkinuli słuččakoŭ na piaty radok.
Treciaje — užo na takoj karotkaj stadyi sfarmavałasia para aŭtsajdaraŭ. «Biełšyna» i «Smalavičy» nabrali ŭsiaho 3 i 4 bały adpaviedna, nie źviedaŭšy smaku pieramoh. Da taho ž kamanda ź Minskaj vobłaści dahetul nie moža hulać na svaim poli, a taksama pieražyvaje finansavyja prablemy. Tamu na pazityŭnyja zruchi pakul raźličvać nie varta.
Voś jak skončylisia matčy dziasiataha tura:
- «Dynama-Brest» — BATE 1:3 (40, Mileŭski — 31, Drahun; 74, Niachajčyk; 80, Milič)
- «Nioman» — «Tarpieda-BiełAZ» 3:1 (43, Rasadkin; 70, Žukoŭski (p); 90, Marušyč — 10, Jusaŭ)
- «Słavija» — «Haradzieja» 1:1 (61, Čuchlej (p) — 30, Jaskovič)
- «Šachcior» — «Biełšyna» 4:0 (21, Biehunoŭ; 78,81, Padstrełaŭ; 88, Boduł)
- «Słuck» — «Ruch» 1:1 (81, Siamionaŭ — 88, Vasiljeŭ (p))
- «Isłač» — «Enierhietyk-BDU» 1:2 (27, Bitok (p) — 13, Jachšybojeŭ (p); 92, Judčyc)
- «Viciebsk» — «Dynama-Minsk» 1:1 (19, Nikałajesku — 5, Bachar)
TURNIRNAJA TABLICA
A ciapier pierachodzim da matčaŭ nastupnaha tura, jakich, narešcie, znoŭ budzie vosiem.
«Tarpieda-BiełAZ» — «Smalavičy»
- 29.05, 18:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 1.71; ničyja — 3.90; «Smalavičy» (pieramoha) — 5.55.
Tur adkryjuć hieahrafičnyja susiedzi. «Smalavičy» na minułym tydni nie hulali praz karancin u «Minsku». Mahčyma, paŭza mahła niejak pazityŭna paŭpłyvać na fizičny stan i maralny nastroj kamandy.
Žodzincy prajhrali ŭ Hrodnie i paadstavali ad viaršyni tablicy. Hulnia z aŭtsajdaram — dobraja nahoda viarnuć stračanaje. Testy na karanavirus u hulcoŭ «Tarpieda» pakazali admoŭny vynik, tamu, mahčyma, daśviedčanyja lidary — Bardačoŭ, Chačaturan, Bušma — zmohuć dapamahčy kamandzie ŭ piatnicu.
Prahnoz «NN»: pieramoha «Tarpieda».
«Haradzieja» — «Nioman»
- 29.05, 20:00. Stadyjon «Haradzieja».
- Kaeficyjenty: «Haradzieja» (pieramoha) — 3.30; ničyja — 3.30; «Nioman» (pieramoha) — 2.42.
Składany matč dla prahnozaŭ. «Haradzieja», jakaja pieražyvaje finansavyja ciažkaści, nie moža pieramahčy voś užo piać turaŭ, heta adkinuła kamandu na dvanaccaty radok.
U «Haradziei» ŭsio niesałodka. Fota: FK «Haradzieja».
Śledam za imi znachodzicca jakraz «Nioman», ale hrodziency vielmi słaba hulajuć u haściach: 1 bał z 12 mahčymych i ŭsiaho 1 zabity miač.
Prahnoz «NN»: totał, mienšy za 2.5.
«Biełšyna» — «Słavija»
- 30.05, 17:00. Babrujsk, stadyjon «Spartak».
- Kaeficyjenty: «Biełšyna» (pieramoha) — 3.01; ničyja — 3.22; «Słavija» (pieramoha) — 2.65.
Jašče adna hulnia kamand, jakim vielmi treba vypraŭlać svajo turnirnaje stanovišča.
U «Słavii» ŭsiaho adna pieramoha ŭ siami apošnich turach. Babrujčanie naohuł jašče nie pieramahali ŭ siezonie, u papiarednim tury trapiŭšy pad salihorski katok.
Cikava, što ŭ čempijanatach Biełarusi «Biełšyna» i «Słavija» nie sustrakalisia voś užo čatyry hady, a mazyrčuki nie mohuć vyjhrać u babrujčan ažno z 2012 hoda.
Prahnoz «NN»: ničyja.
«Dynama-Minsk» — «Šachcior»
- 30.05, 19:00. Minsk, stadyjon «Dynama».
- Kaeficyjenty: «Dynama» (pieramoha) — 3.27; ničyja — 3.31; «Šachcior» (pieramoha) — 2.43.
Matč z samaj cikavaj afišaj u hetym tury, niahledziačy na toje, što kamandy zajmajuć nie najvyšejšyja radki. Minčuki naohuł pakul dziasiatyja, a ŭ Leanida Kučuka nie atrymlivajecca znajści padychody da svajoj kamandy.
Fota: FK «Dynama-Minsk».
«Šachcior» ža paŭtara miesiaca nie prajhraje i zmoh padniacca na čaćviorty radok. U salihorcaŭ najlepšaja abarona ŭ lizie — usiaho try prapuščanyja miačy ŭ dziesiaci turach. Patencyjał u hetaj kamandy vielmi vialiki.
Prahnoz «NN»: pieramoha «Šachciora».
«Enierhietyk-BDU» — «Viciebsk»
- 31.05, 16:00. Maładziečna, haradski stadyjon.
- Kaeficyjenty: «Enierhietyk» (pieramoha) — 2.20; ničyja — 3.37; «Viciebsk» (pieramoha) — 3.70.
Cikavyja raskłady: u «studentaŭ» vydatnaja sieryja z čatyroch pieramoh zapar. Apošniaja atrymałasia asablivaja emacyjnaj — vyrašalny hoł u bramu «Isłačy» byŭ zabity na 92-j chvilinie i atrymaŭsia vielmi pryhožym.
U «Viciebska» ž situacyja niezajzdrosnaja: piać matčaŭ bieź pieramoh, try ničyje ŭ troch apošnich turach. Ale chłopcy Jasinskaha zmahli adabrać bały ŭ «Šachciora» i minskaha «Dynama», tamu śpisvać z rachunkaŭ paŭnočnuju kamandu nie varta.
Prahnoz «NN»: «Viciebsk» nie prajhraje.
BATE — «Isłač»
- 31.05, 18:00. «Barysaŭ-Arena».
- Kaeficyjenty: BATE (pieramoha) — 1.33; ničyja — 5.55; «Isłač» (pieramoha) — 11.50.
Ekśpierty darma nie vierać u pierśpiektyvy «Isłačy» ŭ hetym matčy. Tak, BATE ciapier na kani, a ŭ «Isłačy» vialikija kadravyja prablemy.
Ale varta zhadać, što «vaŭki» — vielmi niazručny supiernik dla barysaŭcaŭ. Letaś «Isłač» pakinuła BATE biez kubka, a ŭ čempijanacie dva siezony zapar zabirała 4 z 6 mahčymych bałaŭ. Letaś heta kaštavała «žoŭta-sinim» čempijonstva.
Paśla parazy ad «Enierhietyka» Vital Žukoŭski abviaściŭ, što hety siezon budzie dla jaho apošnim u jakaści treniera «Isłačy». Heta ŭžo nie pieršy raz, kali Žukoŭski źbirajecca sychodzić, ale ŭ papiarednija razy jon tak hetaha i nie zrabiŭ. Imavierna, kali situacyja naładzicca, to trenier źmienić svaju dumku, ale nie samy pryhožy chod ad «važaka» ŭ niaprosty dla kamandy čas.
Prahnoz «NN»: pieramoha BATE.
«Ruch» — «Dynama-Brest»
- 31.05, 20:00. DASK «Brescki».
- Kaeficyjenty: «Ruch» (pieramoha) — 4.65; ničyja — 3.65; «Dynama» (pieramoha) — 1.89.
Naŭrad ci niechta moh padumać, što pierad pieršym bresckim derbi ŭ čempijanacie «Ruch» budzie vyšej za «Dynama» ŭ tablicy. Tak, paśla ničyjoj u Słucku kamanda Siadniova abyšła čempijonaŭ na adzin bał.
Na minułym tydni ŭ «Dynama» było dva enierhazatratnyja matčy suprać BATE, abodva bieraściejcy prajhrali. Da derbi čempijony padychodziać nie ŭ najlepšym fizičnym i emacyjnym stanie.
Prahnoz «NN»: pieramoha «Dynama».
«Minsk» — «Słuck»
- 01.06, 18:00. Minsk, stadyjon «Traktar».
- Kaeficyjenty: «Minsk» (pieramoha) — 3.16; ničyja — 3.60; «Słuck» (pieramoha) — 2.34.
«Minsk» narešcie viartajecca z karancinu, ale, kab minčuki paśpieli nabrać formu, matč byŭ ssunuty z suboty na paniadziełak.
Dla «Słucka» heta niebłahi šaniec znoŭ pieramahčy. Da kanca pieršaha koła ŭ słuččakoŭ davoli spryjalny kalandar, tamu prahnazujem, što jany jašče buduć trymacca ŭ vierchniaj častcy tablicy.
Na hetym tydni źjaviłasia infarmacyja, nibyta Aleh Dułub stanie novym trenieram «Minska». Pakul kłub heta abviarhaje, ale Andreju Razinu varta chutka vypraŭlać turnirnaje stanovišča kamandy.
Prahnoz «NN»: «Słuck» nie prajhraje.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
