Staršyniu Biełteleradyjokampanii Ivana Ejsmanta naśmiašyli vyniki hałasavańniaŭ na biełaruskich internet-sajtach, jakija pakazali nizki ŭzrovień padtrymki Alaksandra Łukašenki.

Nahadajem, z 55 tysiač karystalnikaŭ Onliner.by tolki 3,5% adkazali, što padtrymajuć Łukašenku na vybarach. Anałahičnaje hałasavańnie 70 tysiačoŭ čytačoŭ Tut.by dała Łukašenku 6,2% padtrymki. Z 16 tysiač naviednikaŭ «Našaj Nivy» kiraŭnika krainy padtrymlivajuć 3%.

Ejsmant zajaviŭ u «Kłubie redaktaraŭ», što nie budzie ahučvać hetyja ličby ŭ efiry.

«Tyja ličby, jakija, naprykład, malujucca prezidentu — vy, napeŭna, bačyli ich, nie budu ahučvać… — zaśmiajaŭsia jon. — Pierakonvaju vas, što kali b prezident siońnia prosta loh na kanapu i da 9 žniŭnia ničoha prosta nie kazaŭ by, jon nabraŭ by ŭ 10 razoŭ bolš za ŭsich razam uziatych. Navat niama čaho abmiarkoŭvać».

Клас
0
Панылы сорам
0
Ха-ха
0
Ого
0
Сумна
0
Абуральна
0