Mahutnaści polskaha ŭčastka trubapravoda «Jamał-Jeŭropa», jaki ažyćciaŭlaje tranzit hazu z Rasii praź Biełaruś i Polšču ŭ Hiermaniju, užo čaćviortyja sutki zastajucca niezapatrabavanymi ŭ zachodnim kirunku. Pra heta śviedčać źviestki, raźmieščanyja na aŭkcyjonnaj płatformie kampanii — apieratara polskaj sietki hazapravodaŭ Gaz-System, a taksama na sajcie hazatranspartnaha apieratara Gascade, piša tass.ru.
Mahutnaści trubapravoda nie byli zabraniravanyja z čaćviarha, bolš za 38 młn kVt/h zastajucca niezapatrabavanymi. Zahružana kala 37% ahulnaj mahutnaści truby.
Pavodle źviestak hiermanskaha hazatranspartnaha apieratara Gascade, pastaŭki hazu pa trubapravodzie «Jamał — Jeŭropa» ŭ punkcie Malnaŭ u hetyja niekalki dzion iduć u reviersnym napramku, z Hiermanii ŭ Polšču.
Termin dziejańnia doŭhaterminovaha rasiejska-polskaha pahadnieńnia ab tranzicie hazu z Rasii na zachad pa polskim učastku hazapravoda «Jamał-Jeŭropa» skončyŭsia 17 traŭnia. Ciapier pastaŭki ažyćciaŭlajucca na asnovie aŭkcyjonaŭ, jakija pravodziacca polskaj Gaz-System.
