U ZŠA nieŭzabavie źjaviacca «samyja mahutnyja ŭzbrajeńni» ŭ historyi. Jak paviedamiŭ prezident ZŠA Donald Tramp, vystupajučy ŭ subotu pierad žurnalistami na kasmadromie na mysie Kanavierał (štat Fłaryda) paśla zapusku da MKS piłatavanaha karabla Crew Dragon, jon užo aznajomiŭsia z raspracoŭkami.
«Chutka my vysadzimsia na Marsie, i ŭ nas buduć samyja mahutnyja ŭzbrajeńni, jakija kali-niebudź [možna było] ŭjavić u historyi. Ja ŭžo bačyŭ raspracoŭki, i heta prosta nievierahodna», — skazaŭ amierykanski lidar. Padrabiaznaściaŭ Tramp nie pryvioŭ, piša tass.ru.
U siaredzinie maja Tramp zajaŭlaŭ, što Złučanyja Štaty raspracoŭvajuć «supierrakietu», jakaja budzie raźvivać u 17 razoŭ bolšuju chutkaść, čym usie isnyja na hety momant. Tramp tady nie ŭdakładniŭ, ab jakim mienavita rakietnym uzbrajeńni idzie havorka.
