Vynikam pravakacyi na pikiecie ŭ Hrodnie stała zatrymańnie błohiera Siarhieja Cichanoŭskaha i šerahu jaho paplečnikaŭ. Ciapier jany pieraviedzieny ŭ Minsk, zaviedziena kryminalnaja sprava pa 364 artykule Kryminalnaha kodeksu. 

Čytajcie taksama: 

Pravakacyja ŭ Hrodnie: AMAP zatrymaŭ Cichanoŭskaha VIDEA

MUS pra zatrymańnie Cichanoŭskaha: zaviedziena kryminalnaja sprava

«Pryjemnaja dziaŭčyna pyšnych form». Identyfikavali pravakatarku z sustrečy ź Cichanoŭskim

Hramadstvam sprava ŭsprymajecca adnaznačna jak sproba sfabrykavać realny termin dla papularnaha palityčnaha błohiera, jaki kinuŭ vyklik Łukašenku. 

Žurnalist «Našaj Nivy» Arciom Harbacevič u svaim telehram-kanale zapytaŭ siłavikoŭ, što jany dumajuć pra zatrymańnie Cichanoŭskaha.

Siłaviki, jakija praciahvajuć słužyć, pakul nie vykazvajucca publična. Pad svaim imiem havorać ludzi, jakija vyjšli ŭ adstaŭku. Svaju acenku padziei daŭ kapitan u adstaŭcy Aleh Mankus. Jon pracavaŭ u sistemie MUS z 2002 pa 2012 hod.

Aleh Mankus, fota z ułasnaha archiva za 2010 hod pobač ź dziažurnaj častkaj. 

Aleh Mankus, fota z ułasnaha archiva za 2010 hod pobač ź dziažurnaj častkaj. 

«Kali my kažam pra artykuł 364 Kryminalnaha kodeksa, jaki ciapier inkryminajuć Cichanoŭskamu, dyk ja skažu, heta poŭnaje tryźnieńnie.

Artykuł praduhledžvaje aktyŭnyja dziejańni i pramy namier na hvałt, a čałaviek nie ździajśniaŭ nijakich dziejańniaŭ, nakiravanych na hvałt u dačynienni da supracoŭnika MUS. Naadvarot, supakojvaŭ paplečnikaŭ i źviartaŭ uvahu, što heta pravakacyja.

Heta dobra vidać na videa. 

A voś da supracoŭnika MUS jość pytanni: pa-pieršaje, z punktu hledžańnia jaho prafiesijnych jakaściej. Niejkaja hramadzianka chapaje inšaha hramadzianina za adzieńnie i patrabuje ad jaho adkazaŭ na svaje pytanni, prytym što hety hramadzianin nie žadaje ź joj kamunikavać. Na moj pohlad, dziejanni hramadzianki možna kvalifikavać jak drobnaje chulihanstva, ale supracounik MUS heta ihnaruje i sprabuje schapić Cichanoŭskaha. Navošta?

Jakim čynam heta źviazana z achovaj pravaparadku? Čyje pravy byli parušany i čamu treba było užyvać fizičnuju siłu?

Cichanoŭski nijakich aktyŭnych dziejańniaŭ nie ŭčyniŭ, jaho zakryli paplečniki. 

Pa-druhoje, što heta za supracoŭnik MUS, jaki ledź nie straciŭ prytomnaść i pavaliŭsia, kali jaho navat nie šturchanuli? Jamu nie soramna? Ci vybyvaŭ jon choć raz na siamiejnyja skandały, ci strymlivaŭ bujnych ałkaholikaŭ, ci uvohule zdolny vykonvać svaje słužbovyja abaviazki?

A što b było, kali b jamu treba było zatrymać uzbrojenaha złačyncu? Heta prafnieprydatnaść! 

Tamu mnie zdajecca, što jamu addali taki zahad. U mianie niama sumnievaŭ, što heta spłanavanaja akcyja, bo i na mašynach AMAP — minskija numary, i dama, što učyniła skandał, — z Minsku, chłopcy u cyvilnym, što zaŭvažany ŭ natoŭpie, taksama apaznanyja jak supracoŭniki staličnaha AMAP.

Vielmi soramna, što pravaachoŭniki zamiest achovy suajčynnikaŭ ulezli ŭ hetuju śmiardziučuju spravu». 

Клас
0
Панылы сорам
0
Ха-ха
0
Ого
0
Сумна
0
Абуральна
0