Fota: Kaciaryna Hardziejeva, TUT.BY
U Hrodnie 31 maja prachodziać pikiety za vyłučeńnie kandydatam u prezidenty Śviatłany Cichanoŭskaj, a taksama inšych alternatyŭnych pretendentaŭ, piša tut.by.
Tak, podpisy pryjechaŭ źbirać Aleś Tabolič, u centry horada stajali pradstaŭniki inicyjatyŭnych hrup Volhi Kavalkovaj, Valeryja Capkały, źbirali podpisy za vyłučeńnie ŭ kandydaty ŭ prezidenty Viktara Babaryki. Dniom na Savieckaj płoščy sabrałasia niekalki sotniaŭ ludziej, jakija stali da stałoŭ inicyjatyŭnych hrup.
Fota: Kaciaryna Hardziejeva, TUT.BY
Samaja vialikaja čarha — viadoma, da pałatki, dzie źbiraje podpisy inicyjatyŭnaja hrupa Śviatłany Cichanoŭskaj. Čarha raściahnułasia na niekalki sotniaŭ mietraŭ i praktyčna zakalcavałasia vakoł płoščy. Kab addać svaje podpisy za Śviatłanu Cichanoŭskuju, haradziencam davodzicca stajać pa try hadziny.
Kala pikietaŭ inšych pretendentaŭ taksama časam toŭpiacca ludzi.
Naprykład, kala stolika muzykanta i tatuiroŭščyka Alesia Taboliča, mabyć, samaha niefarmalnaha pretendenta na miesca prezidenta, pastajanna źbirajecca moładź.
Fota: Kaciaryna Hardziejeva, TUT.BY
Aleś u niadzielu pryjechaŭ u Hrodna, kab samastojna źbirać podpisy i havaryć z prychilnikami. Dapamahaje jamu ŭ hetaj spravie jašče adzin biełaruski muzyka — Alaksandr Pamidoraŭ. Muzyki taksama z zadavalnieńniem fatahrafujucca z haradziencami.
Fota: Kaciaryna Hardziejeva, TUT.BY