U Ńju-Jorku pamior amierykanski mastak-kanceptualist bałharskaha pachodžańnia Chrysta Javašaŭ. Jamu było 84 hady, piša «Dožd́».
Chrysta Javašaŭ razam sa svajoj žonkaj Žannaj-Kłod de Hije-bon atrymali viadomaść prajektami pa ŭpakoŭcy prastor — ad zvyčajnych pradmietaŭ da budynkaŭ i pomnikaŭ. U 1995 hodzie jany abharnuli sierabrystaj tkaninaj budynak Rejchstaha ŭ Bierlinie.
flickr.com
Siarod inšych ich instalacyj: «Biahučy tyn. Kalifornija», «Abhornuty Pon-Nava. Paryž», «Brama ŭ Centralnym parku Ńju-Jorka», «Akružanyja vyspy» ŭ Fłarydzie, «Dalina Kałarada» i inšyja. Akramia taho, Javašaŭ płanavaŭ abharnuć u plonku Tryumfalnuju arku ŭ Paryžy. Na aficyjnym sajcie mastakoŭ havorycca, što hety prajekt usio jašče płanujecca ažyćciavić vosieńniu 2021 hoda.
Chrysta Javašaŭ naradziŭsia ŭ 1935 hodzie ŭ Bałharyi, jon vučyŭsia ŭ Safijskaj Akademii mastactvaŭ. Sa svajoj budučaj žonkaj paznajomiŭsia ŭ Paryžy. Z 1964 hoda Javašaŭ žyŭ u Ńju-Jorku.
