viedaj.by
Žyrovicki manastyr z 1 červienia źniaŭ karancin, uviedzieny ŭ krasaviku z-za karanavirusa.
«Paviedamlajem Vam pra toje, što Uśpienski Žyrovicki manastyr i damy pałomnikaŭ 1 červienia znoŭ adčyniajuć svaje dźviery dla žadajučych naviedać śviatuju miaścinu. Słužby ŭ manastyry ździajśniajucca štodnia», — havorycca ŭ paviedamleńni na sajcie manastyra.
Pry hetym u manastyry zaklikali naviedvalnikaŭ vykonvać rekamiendacyi pa prafiłaktycy karanavirusa: sacyjalnaje dystancyjavańnie, asabistuju hihijenu, reśpiratorny etykiet.
20 krasavika stała viadoma, što Minskaja duchoŭnaja sieminaryja ŭ Žyrovičach i Žyrovicki manastyr znachodzilisia ŭ režymie karancinu. U hety dzień byŭ špitalizavany ź pnieŭmanijaj rektar sieminaryi, archijepiskap Navahrudski i Słonimski Huryj (Apalka). U Słonimskuju centralnuju rajonnuju balnicu byŭ dastaŭleny 41 čałaviek z manastyra i sieminaryi ŭ Žyrovičach.